دەریایە نیگای چاوت دڵ خۆی ناگرێ لە تاوت
تۆ بەس لێوت تەڕ بکە گیان دەدەم لە پێناوت
زیاتر لە هەر وشەیەک پێم خۆشە بێنم ناوت
دەمباتە خەیاڵ کە بۆن دەکەم لە پرچی خاوت
ئەو کاتە دڵخۆش دەبم کە بۆ لام دێ هەنگاوت
نامهەوێ نەجاتم بێ هەتا ئەبەد لە تاوت

مەجبووری تۆم مەجبوورم بێ تۆ لە شادی دوورم
قەینا کە ڕۆژێ سەد بار بۆ تۆ دەشکێ غروورم
مەجبووری تۆم مەجبوورم بێ تۆ لە شادی دوورم
دونیا با پێ بزانێ بوە ئەشقەی بێ سنوورم
----------------
وا هەست دەکەم ژیانم بە بێ تۆ بێ مانایە
هاوڕێ بوونت لەگەڵما بۆمن دیاری خودایە
ناهێلم کە یەک چرکەم لە لای تۆ بچێ بە زایە
چاو لە چاوت هەڵناگرم نیگات پڕ لە هیوایە
سەمای پرچت لەگەڵ با بۆم جوانترین سەمایە
مەستی بە بۆنی پرچت لە مەستی مەی جودایە

مەجبووری تۆم مەجبوورم بێ تۆ لە شادی دوورم
قەینا کە ڕۆژێ سەد بار بۆ تۆ دەشکێ غروورم
مەجبووری تۆم مەجبوورم بێ تۆ لە شادی دوورم
دونیا با پێ بزانێ بوە ئەشقەی بێ سنوورم
ــــــــــــــــ
Lyrics & Melody: Mohammad Shoaie
by : @mohammad_shoaie