بریا سەوزەی جیای بەهار بوام ئێواران پێش رۆژئاوا
ئەو کچه جوانه بەر خەوانه لەسەرم ڕاکشابوا
بریا من سروەی بەیان بوام لێوی تۆم فێنک دەکرد
بریا من هەوای ئاسمان بوام خۆم بە ناو دەمتا دەکرد
بریا من ئاوی ڕووبار بوام دەمشت لەش و لاری تۆ
بریا من سوخمه و شەلوار بوام دەممژد جێی هەستیاری تۆ
بریا من ئاوێنه بوام خۆت دەگۆڕی لەبەر چاوما
جەستەی جوانت هەڵدەگیرا له ناو هەست و هەناوما
بریا من پەڕه سێلکه بوام له بن میچی ماڵی تۆ
هێلانەی خۆم دادەبەستا چاو له دانەی خاڵی تۆ
شەو و ڕۆژ تەوافم دەبو به دەوری بەژن و باڵات
ساڵانه دو حەجم دەبو له ماڵی خوا و ماڵی تۆ
بۆ ئەم خەونه مەخمەڵیانەم بۆ لێم نابن به ڕاستی
تا ئه و مەمک و سمت و ڕانەم بوکشیبایه به دەستی
بۆ ژیان هێنده بە خەمه بۆچی یەک خۆشیم نەدی
خۆ هیوای من ساده و کەمه دە با جارێک بێته دی
by : @juanaa